LAWAN LOEN MITA

LAWAN LOEN MITA

meukru seumangat rahmat meukatoe
jioeh deungoen toe sigoe loen sapa
keu kawoem hawa yang na lam gamba groep nyoe
saleum loen sidroe keu gata loen bri mulia

walau nama hana loem meusoe
gata bandum nyoe loen bri mulia
keu kawoem ayah meunan cit bagoe
saleum loen sidroe tanda mulia

meuleot aneuk leuk ateuh bak raboe
ateuh bak panjoe meuleot cem pala
kapaduem lawet loen hana troeh dalam grop nyoe
siat loen woe u meuligoe saweu ureung chik dua

alhamdulillah allah loen pujoe
nibak malam nyoe katroeh loen gisa
timoeh bineh blang bak creot meuranjoe
dileun meuligoe na taman bunga

lam layeu jejaring sosia katroeh loen malam nyoe
loen meuhei jinoe adoe deungoen a
yang ahli ahli dalam meucakoe
tateubit ju jinoe loen katroeh kuteuka

mangat tahadu leumbeng seuleugoe
jeut ta eu bagoe soe leubeh teuga
meunyoe ka kutroen nibak siseun nyoe
di dalam nanggroe lawan loen mita

hoe kata hai pahlawan nanggroe
teubiet laju keunoe lawan kateuka
loen mita lawan sabe jeut nanggroe
yang ragoe-ragoe dalam meurika

di ateuh panggoeng loen preh sinaroe
ta-ek laju keunoe bek malee mata
kasiap loen preh bandum sinaroe
lakoe ngoen binoe teubit beusigra

nibak malam nyoe deungoen izin poe
loen prang nanggroe loen reubeot kuta
loen reubeot tahta dalam meuligoe
loen reubeot putroe loen duek keu raja

teubit beubagah hai pahlawan nanggroe
bek peudeuh bakoe oh tan loen teuka
jinoe katroeh loen keunoe tapeutoe
mangat ku eungkhoe tuha ngoen muda